Analyse didactique du manuel scolaire de Tamazight de troisième année moyenne 2014-2015

Abstract

Ɣef wudem n umnar-agi, deg tazwart- nneɣ neɛreḍ ad nexdem tasleḍt i udlis n tmaziɣt n useggas wis 3 n ulmud alemmas, i d yefɣen deg useggas n 2014. Uqbel ad nexdem tasleḍt-agi nemslay-d deg tazwart ɣef udlis-a s umata. Syin nuɣal nessexdem tarrayt n “W.MACKEY” i yesɛan ukkuz n yiḥricen ad d- nader : Astay, tasellunt, azikken, allus. Kul aḥric yesɛa anamek-ines akked armud-ines. Aḥric amezwaru (Astay) : deg uḥric-agi neffern-d akk iferdisen, id yufraren deg udlis-a md :Tigzi n uḍris,nuder-d ɣef tutlayin nniḍen i yellan deg udlis-a, d wigi i neqqar s tefransist “Tantaliyin”. Ad nebder sin imedyaten i yal yiwen: Touareg : Assas Souffrance. Maroc Atlas: Agari Balle. Syin ad d-nader asexdem n wawalen imaynuten”Wawalnut” akked umerḍil ”emprunt”. Iswi-nsen ad nsefti amawal “Enrichir le vocabulaire” n tmaziɣt. Aḥric wis 2 : (Tasellunt) : deg uḥric-agi nessexdem tafelwit nebḍa-t ɣef: Isenfaren, Tagzemt, Taseftit, Tirawalt, Tajerrumt yellan deg udlis-agi. Asexdem n tucḍiwin i yellan deg-s. Aḥric wis krad : (azikken) : Azal i isɛan-t tugniwin n uḍris ma llant ṣṣfant s wakka i yezmer unelmad ad yissin, ad yessishil, ad yefhem anaw n uḍris-a. Deg uḥric-agi ad d-naf asegzi n wawalen ama s yinemgalen neɣ s yeknawen. Aḥric wis ukkuz : (Allus) : Uqbel ad d-nessefhem deg-s anaw n yiluɣma i yesɛa adlis-a. Yal alaɣmu nefka-y-as-d tabadut s umata. Kul yiwen n uferdis nessexdem imedyaten, ad nader anawen n yiluɣma i yellan: Iluɣma n usemskel.  Iluɣma n ukemmel.  Iluɣma n tseftit.  Iluɣma n tjerrumt.  Iluɣma n tirawalt.  Iluɣma n umawal. Deg unadi-agi nexdem azal n ukkuz n isteqsiyen, nefka-ten s iɣerbazen ilemmasen i yemgarraden. Mi ten d- nejmaɛ, nufa-d tiririt n yiselmaden s tutlayt tafransist. Ɣer taggara neṣṣaweḍ i wakken ad d nini deg udlis-agi n tmaziɣt, yella ayen ixuṣṣen deg-s, akked wayen yelhan deg-s.