Symbolique et imaginaire du tatouage chez la femme kabyle
Loading...
Date
2015
Authors
Journal Title
Journal ISSN
Volume Title
Publisher
Université Mouloud Mammeri de Tizi-ouzouا
Abstract
Si zik win id-yennan cebaḥa ad d-yinni tameṭṭuḥ, imi d nettat i d azamul n kra n
wanayen yelhan,leḥnana, tayri, aladɣa cebaḥa neɣ zzin.
Ticraḍ d yiwen n ssenf n ccbaḥa i sexdament tlawin n leqbayel zik.
Ticraḍ-agi ǧǧan-tent-id yimezwura, tleḥḥud seg lǧil ɣer wayeḍ neɣ s tsuta ɣer tayeḍ, nettafitent s umata ɣer temɣarin.
Ticraḍ anamek-nsent s tefransist yekka-d seg “CRḌ” (vacciner). Am wakken qqaren wat zik
“ulac ticraḍ ur d-nefki idammen”.
Iḥi deg tazwara-agi nneɣ, newwid awal ɣef ticraḍ n tmeṭṭut taqbaylit, ladɣa tin n zik amek
tettbeda ɣef yiman-is, neɣ amek tettcebbiḥ. S yin nesfahmed kra n wawalen igejdanen ɣef
tebna n tezrawt-nneɣ.
Nefka-d daɣen kra n yisallen ɣef tid nsteqsa, tid akked nexdem tidiwniwin deg temadiwinnneɣ (At Zmenzer akked Tizi-Raced) I d- yezgan deg temnaḍt n Tizi Wuzzu.
S tarayin n ufren n usentel, am lexṣaṣ n yidlisen d wuguren i d-nemmuger am lmut n
temɣarin iyesɛan ticraḍ, ladɣa ula d tid I mazal ttidirent nufa-d seg-sent tid ur yeẓrin ara ayen
I tent-kkatent, neɣ acu i d-mmalent.
Tamukrist tebna ɣef semmus n yisteqsiyen:
D acu i d ticraḍ?
Ɣef wacu i txedment ticraḍ-agi?
Amek xedmen ticraḍ-agi?f
Anta-tent tlawin-agi i tent-ixeddmen, i wacu?
Ɣef wacu i d- nettaf ticraḍ-agi ɣer tlawin meqqren s umata, drus ɣer telmẓyin?
Mi neffaɣ ɣer wannar n tmadiwin “At zmenzer akked Tizi-Raced”, s tugniwin akked
yisteqsiyen i d-nudder yakan i kra n tid yesɛan ticraḍ, nuffa-d 09 deg tlawin deg tɣiwant n
wat Zmenzer, 08 deg tɣiwant n Tizi-Raced.
Akatay-agi nneɣ yebḍa ɣef kraḍ n yixfawen:
• Ixef amezwaru, nenna-d imukan anda wwtent tlawin ticraḍ-agi deg yal tadigant (At
Zmenzer akked Tizi-Raced).
• Ixef wis sin,nerra-d ɣef yisteqsiyen-agi:
Melmi i xeddment tlawin ticraḍ-agi deg tedigant n wat zmenzer akked tedigant n TiziRaced ?
D acu-ten wallalen i ssexdament deg yal tadigant ?
Ayɣer i xedment tlawin-agi ticraḍ deg yal tadigant?
• Ixef wis kraḍ, newwi-d awal ɣef uḥrured asugnan n tecraḍ d unamek-nsent. Deg
tneqqiḍt tamezwarut, nehḍer-d ɣef yizamulen I nessexdem deg tecraḍ deg tdigant n wat
Zmenzer akked tedigant n Tizi-Raced. Deg tneqqiḍt tis snat, nefka-d anamek asugnan n
yal azamul.
Deg tagara n ukatay-agi, nerra-d ɣef yisteqsiyen n tmukrist nneɣ. Nessaram ad izad
unadi ɣef yisental n yidles Amaziɣ.
Description
54p.;cartes; photogr.+(cd)
Keywords
Citation
ART ET LITTERATURE AMAZIGHE IMAGINAIRE