ANALYSE DES INDICES LINGUISTIQUES DU TEXTE NARRATIF EN LANGUE AMAZIGHE

Abstract

Tutlayt n tamaziɣt , d aferdis agejdan di lebni n tidmi n ugdud amaziɣ , d tutlayt tayemmat ur nezmir ara ad tt-nbeddel s tayeḍ, imi d tutlayt iɣef yuzzel acḥal d idim, ass-a tutlayt n tmaziɣ tuɣ amekkan s wazal-is truḥ seg timawit ɣer wannar n tira tekcem ɣer uɣerbaz tufa amḍiq am nettat am tutlayin nniḍen . Tutlayt n tmaziɣt ass-a teḥwaǧ aṭas n wallalen ad as-ilin deg lmendad, iwakken ad tettwaselmed s tarayt ilaqen, imi aselmed n tutlayt yettili-d s tarrayin d yigburen ara syefken udem ara tt-yeǧǧen ad d-teglu s ibaɣuren i win ara tt-yeɣren. Ger wallalen-a, ad naf iḍrisen, wigi ɣur-sen azal d ameqqran deg uselmed, imi ttaken i wemdan afud ad yissin amek tettwasemres tutlayt deg yal aswir ama deg tudert n yal ass, ama deg wayen yeɛnan tasekla ama deg wayen nniḍen.Ger iferdisen utlayanen, ad d-nebder imqimen udmawanen , talɣiwin n umyag , isuraz Amahil-agi yebḍa ɣef sin yeḥricen ; Aḥric amenzu Nefka-d kra n tbadutin n kra n yimeskaren i weḍris, anawen n yiḍrisen ; ladɣa aḍris ullis, d acu-t? d wamek id yettili? Akken i d newwi awal ɣef yiferdisen utlayanen; imqimen udmawanen d ilelliyen neɣ d iwṣilen, talɣiwin tumyigin, isuraz. Aḥric wis sin Deg wayen yeɛnan aḥric-agi, nexdem tasleḍt, i yiferdisen i d nebder deg uḥric amenzu; deg wayen yeɛnan asexdem n yiferdisen-a, d twuri-nsen ama d imataren udmawanen, ama d talɣiwin tumyigin, ama d isuraz .