Étude morphologique et sémantique des hydronymes kabyles : commune d’Illoula Oumalou

Abstract

Aman d yiwen ger wuddisen imeqqranen n tegnewt yak d wuddusen imeddaren. Deg wayen yerzan aya, 71% n tasna n umaḍal ɣummen-t s tiherwin n waman, s tibdi, s talɣiwin akk d talqayin talfiwin ( igarawen,imdunen,illal,isaffen d yiɣeẓṛan ). Aman, d aferdis agmawi yezga-n di lqaɛa, d tumast tufsiyt tamsewsayt ur nesɛi tiẓet, ula d tikdi. Allus yettɛedday ɣef yeḥricen yemgaraden, s wazal- nsen, d agmaḍanen umasanen. Afuṛ, d tiḍiwin, asriget n waman yettawes ɣer useḥmu n ubeḥri, agmaḍan-agi d amasan acku yettaǧǧa i waman ad ruḥen ɣer tegnewt akken ad d-ssuffɣen isigna. Syin ɣer-s d asezwer, d abrid n wafuṛ mi ara yuɣal d ufsiy, d asigna ttawin-d yid-sen ageffur,d udfel,ɣellin-d ɣer lqaɛa. Anagay, aman neggin deg tasna, ttruḥun ɣer iɣeẓṛan ,ttkemmilen almi d agaraw. Kra n waman nniḍen ttnejmaɛen ddaw n lqaɛa. Nessawal-as i tussna iferzen aman di lqaɛa tussenman, beṭṭu-agi yesɛa azalen nniḍen n temkirin d wamguran. Tussna n yiɣbula n waman, tlemmed ɣef yismawen n yiɣbula-agi s unadi deg assurt d unamek-nsen, ma yella nmuqqel abeddel id yellan deg-sen aṭas n leqṛun ɣer deffir. Ma yella newwi-d tamurt n lezzayer d amedya, ad d-naf tezga-d deg wadeg igerzen, acku nnig-s yella yillel agrakal, ula d tamnaḍt n leqbayel imi tella deg ugafa n tmurt n lezzayer, dayen i yeǧǧan tamnaḍt-agi ad tesɛu ageffur d udfel, ladɣa ma nebder-d d akken tuddar n leqbayel zgantd deg yidurar ɛlayen neɣ ɣer rrif n yiɣeẓṛan, dayen i yeǧǧan tamnaḍt-agi n leqbayel ad tesɛu aṭas n yiɣbula n waman, am tliwa d teɛwinin i yerran yemdanen d abrid i tfellaḥt. Tagrayt : Mi id-nekkes amud n yiɣbula n kra n tuddar (7) n tɣiwant n yillulen umalu, nufa-d azal n 169 n yiɣbula, gar-asen aṭas n wanawen. Tazrawt tasnalɣayt n leqdic-agi yefka-aɣ-d ayagi: Di tazwara, deg wayen yerzan tazrawt tasnalɣayt n yiɣbula n waman, nufa-d aṭas n talɣiwin. Llan-t snat n tewsatin n yismawen n yiɣbula : ismawen iḥerfiyen, anaw wis sin d ismawen uddisen, nwala dakken d wigi i yellan s tuget. Di tesleḍt-agi, nwala dakken llan kra n yismawen ur sɛin ara unti, deg umedya: lbir n tmazirt...............