Les difficultés d’apprentissage de l’écrit en tamazight chez les élèves de 4ème et 5ème année primaire.

Abstract

Tutlayt n tmaziɣt am tutlayin n umaḍal. Ula d nettat tebna ɣef unagraw n usɣal n tesnilest ,d yilugan ara as-inejren abrid ɣer tira.tamaziɣt d tutlayt i d-turew timawit,akken ad tenernni wa ad telḥu deg unnar ilaq ad teṭṭef adeg deg tira. Tutlayt n tmaziɣt tekcem ɣer uɣerbaz 1995, segmi yebda wulmud n tmaziɣt ar ass-a, yella ubeddel d unerni akken ad iwenneɛ uselmed-ines. Ur nettu ara ulmud n tutlayt tamaziɣt yemmuger-d uguren deg wayen yerzan tarrayt n uselmed ɣef waya i nra ad neg tazwart ideg ara nekyed amek i nesselmad tamaziɣt ? D wamek i nezmer ad d-nawi amaynut ara tt-yawin d ubrid n unegmu. Tamukrist : - Acu n tarrayt yettwaxedmen deg uselmed n tmaziɣt ? - Amek i yettqabal uselmad tadsa s tzemmar? - Acu n wuguren i d-ttmagaren yinelmaden deg tira ? - Amek i nezmer ad ten-id-nessefhem? Turdiwin: yal amahil ussnan yebnan ɣef termit yeḥwaǧ turdiwin, nesbedd snat n turdiwin : - ɣef wakken nwala aselmed s usenfar yettawi-d abeddel yerzan anerni n ulmud d uselmed. - Ɣef wakken nwala igulen i xeddmen yinelmaden mi ara arun tanfalit s tira-nsen yemmal-d belli ur ceffun ara ɣef temsirin n tira. Yerna ur ggaren ara tamawt akken ad tkakin belli llant ddeqs n yiswiren deg tutlayt am tseddart akked tasnalɣa, ay-agi ur tsselmaden ara deg uɣerbaz amenzu. Tarrayt : akken ad nesseddu tazrawt-nneɣ neffeɣ s annar, nudef ɣer yiɣerbazen n temdint n TiziWezzu neḥḍer timsirin, ay-agi yessulef-aɣ ad nili akked yinelmaden deg unnar-nsen akken.Nerna nessexdem adiwenni, nessesten iselmaden n yiɣerbazen uɣur nerza. Amahil-nneɣ, yebḍa ɣef sin yiḥricen, Aḥric amenzu : nuwi-d fell-as awal ɣef tarrayt n uselmed s tzemmar uzenziɣ n ulmud n tmurt n lzzayer nessefhem-d amek i yettqabal uselmad n tutlayt tamaziɣt tarrayt-agi n uselmed. Deg uḥric-agi nessexdem adiwenni akked yiselmaden n kraḍ n yiɣerbazen, nefka-asen kra n isteqsiyen ɣef wayen yerzan aselmed s usenfar d uselmed s tzemmar. 56