Tasleḍt Tamawalant d Tesnamkant n kra n wannuɣen yettembiwilen n teqbaylit : Črek 2, Ɛicuca, At Ddaw Wezru, Qezbul 2, Dda Spilu.

Abstract

Ma d ayen yeɛnan awalen imaynuten, nekkes-d wid yellan deg wamud-nneɣ nefka-d amek i d-ttwasulɣen: nefka-d imedyaten n wid i d-yettwasulɣen s usuddem d ussudes, nefka-d d aɣen awalen i yettwasxedmen deg wannnuɣen yettembiwilen n teqbaylit i d-kksen seg umawal n Mɛemri. Aḥric wis sin: D tasleḍt tasnamkayt Deg uḥric-agi awal yezzi ɣef inumak isɛan wawalen imaynuten d imerḍilen, i yettwasxedmen deg annuɣen yettembiwilen n teqbaylit, ama d imerḍilen n tefransist nneɣ wid n taɛrabt, imi sɛan anmek n usegzi d useḍṣi, ma d awalen imaynuten yettwasxedmen sɛan anamek n cbaḥa, aseḍṣi, asegzi d usnefli amawalan. Akken daɣen i d-yella ubeddel deg yinumak n wawalen i yettwasxedmen deg wannuɣen-agi yettembiwilen, imi tettwasxdem tumnayt, tagetnemka,tungisemt. Akken d aɣen i llan wassaɣen ger yinumak n wawalen-agi, aladɣa win n waɛdal d tenmegla imi tettwasexdem s waṭas tkenwa yakk d tenmegla. Aḥric wis kraḍ: Ma deg uḥric aneggaru, di tesleḍt n udiwenni i nexdem i tririyin n yemsulɣa-nneɣ, ɣef sebba i ten-yeǧǧan ad xtiren asuḍef ɣer teqbaylit, arnu ɣer-s uguren i d-mlalen, d leqdicat i mazal ad ten-xedmen deg uḥric-agi. Di taggara nessaweḍ nefka-d tiririt ɣef isteqsiyen i d-nefka di tmukrist, imi akken i d-nan yemsulɣa-nneɣ, annuɣen yettembiwilen n teqbaylit sɛan iswi n uselmed n tutlayt d yedles amaziɣ i warrac imecṭaḥ, ayagi s umeslay ɣef yedles d wansayen n teqbaylit, arnu aselmed n wazalen n tmetti taqbaylit ama d tagmat, d tabɣest nneɣ d smaḥ.