La maison kabyle art et organisation spatiale et conception (cas village AIT EL KAID)
Loading...
Date
2016-10
Authors
Journal Title
Journal ISSN
Volume Title
Publisher
Université Mouloud Mammeri de Tizi-Ouzou
Abstract
Leqbayel zedɣen deg yexxamen neɣ iɛcciwen, tura bennun daɣen lebruj. Aɛecciw xeddment
s-ibudiden tcuddun-t s ugeṭṭum, ttseqqifen-t s udles,s wummad neɣ s yeɣlel.iɛecciwen-agi, i
ten-izedɣen ala igellilen.
Mi ara yebɣu walbaɛd ad yebnu axxam, ad iṛuḥ ad yesali adɣaɣ, syen akin ad iheggi isulas, d
tigejda, tafeggagt d lqarmud , mi sulin lsas ad bnun leḥyuḍ s udɣaɣ akked texmirt,s yen-akkin
ad tseqfen s isulas akked uɣanim imir ad as-ren lqermud.
Axxam n leqbayel yebḍa ɣef sin: taqaɛet neɣ tiɣerɣet d udaynin, adaynin i lmal ma d
taqaɛet i lɛibad: deg-s i gganen, i tetten , isewwayen.
Taqaɛet tebna s ljir, adaynin yebna s ublaḍ, s nnig u daynin tettili taɛrict i seqfen s
uncir tedduri s ikufan i yellan ɣef udekkan. taɛrict ganen deg-s lwacul di ccetwa ma d
tadekkant, tikwal gganen fell-as medden deg wuzal di lwaqt n wuzɣal.
Tadekkant d yiwet n tseddart ifarqen adaynin akked tqaɛet ; di tqaɛet ,ljiha iqublen adaynin,
bennun yiwen n lḥiḍ d awezlan am tseddart isenned ɣer tecraft n ufella qqaren-as adekkana.
Adekkan-nni fell-as i srusun igrewajen: lehwal n nwal akked tteftilt tameddit.Ad d-tenaf
daghen iseɛɛu tixnacin I deg ttajan tuggi, ɣer ljiha n tesga ger udekkan d tdekkant tettili yiwet
n tseddart d tahrawant ara yawin agertil s litteɛ i waken tilawin ad afen-t imanenesent deg
zeṭṭa.
Axxam n leqvayel iseɛɛu yiwen n ṭṭaq yessuffuɣ dexxan yerna yettak-d tafat ɣer teɛrict
yettilin di tecreft. ɣer tama ufella anaf lkanun yeɣzen di lqaɛa tama udekan s-ufella-s i
ssebbayen lqut ; axxam n leqbayel iseɛɛu yiwet ar snat n tewwura, seddaw-as tettili tzulixt i
yessuffuɣen aman ɣer barra. abrah amecttuh yettilin deffir n wexxam anda tillint tikwal
lemjara ma seg ubraḥ akin tettili tewwurt nniden imi qqaren tawwurt n wufrag qqaren-as
aseqif. D tin id d-yessufughen ɣer lḥara.
lḥara d ixxamen yecrek yiwen webraḥ yesɛan yiwet n tewwurt yesufuɣen ɣer ubrid , abrid
yesufuɣ ɣer uzrib yettilin ger yexxamen i yettawin ɣer wennar anda yella ljamaɛ. anda tɣimin
at taddart
Description
Keywords
Citation
Art et littérature amazighe « imaginaire »