La nouvelle poésie écrite Etude thématique et caractéristique de la poésie de Mohammed Mariche Ahcene

Abstract

Deg ugzul-agi yinu mmeslayaɣ-d ɣef tmedyazt ger timawit d tira aked tesleḍt n isental d tulmisin n kra wammuden n Ahcène Mariche. Tazrawt –agi tebḍa ɣef kraḍ n yeḥrcen : Deg uḥric amenzu mmeslayaɣ-d ɣef tmedyazt s umata ger zik mi tella kan d timawit aked d tura mi i-derna ɣur-s tira. Aked tmeddurt d wammuden-ines. Deg uḥric wis sinxedmeɣ-d tasleḍt n isental d tulmisin n wammuden n Ahcène Mariche. Ufiɣ-d deg-s kraḍ n tugniwin yal yiwwet seg-sent s yiḥrcen-is,gar-asent tugniwin n tmenna ad naf deg- s: Taseddart: d taɛemmurt n waffiren yesɛan tamɣrut. Taseɣrit: d allus n yiwwet n tseɣrit neɣ ugar deg awalen yettemsetbaɛen di tfyirt Tisergelt:d allus n yiwwet n tsergelt neɣ ugar deg awalen yettemsetbaɛen di tfyirt Tamɣrut: d allus n yiwwet neɣ ugar n tunṭiqin di tagara n waffir Akkat: d aktili n waffir s wanya neɣ s tunṭiqin Ad naf daɣen tugniwin n tseddast sɛant: Tulsa n wawal neɣ ugar di tazwara n yal affir Tulsa n wawal neɣ ugar di tagara n yal affir Tulsa n wawal neɣ ugar di tazwara aked tagara n yal affir Asmirew: d ṣṣenf n tulsa, yettili anda ttemseḍfaren yismawen neɣ imyagen yesɛan yiwwen n unamek Amsideɣ: d tulsa n tfyar yesɛan yiwwen unamek d yiwwet n talɣa. Akken llant daɣen tugniwin n unamek ad naf deg-s: Takanit: d amgared n snat tɣawsiwin s wallalen. Tumnayt: nezmer ad nini d takanit mebla allallen. Tagetnamka : d anamek id yessebyanen tidet n unamek wayeḍ. Di tagara n uḥric-agi fkiɣ-d tasleḍt i tugniwin n tsuddest aked twuri n wallusen-agi id nebder yakan. Ma yella dayen yeɛnan aḥric wis kraḍ xedmaɣ-d deg ɣef tmeddurt n umedyaz Aḥcen Maric aked wammuden I yexdem d wayen yessaram s ya ar zdat. Di tegrayt mmeslayaɣ-ɣef wayen id-terna tira i timawit, d wayen wuɣer ssawḍeɣ di tmedyazt n ḥcen maric d tulmisin-is