L’imaginaire dans le texte « A MMI » de LOUNIS AÏT MENGUELLET

Abstract

Nefren ad nexdem tazrawt-nneɣ ɣef usugnen deg uḍris n unaẓur Lunis Ayt Mengellet « A Mmi »,acku mačči aṭas n leqdicat akked n yinadiyen i yettwaxedmen fella-s. Anaẓur Lunis Ayt Mengellet d yiwen seg waṭas n yinaẓuren d imedyazen n teqbaylit yecnan ɣef watas n temsal yeɛnan aɣref aqbayli neɣ amaziɣ sumata am tmagit ,tugdut ,tilleli d izerfan n yimaziɣen. Aḍris n LUNIS AYT MENGELLET « A MMI » d aḍris amssassa id-yekkes seg wungal « ageldun » n (Nicolat Machiavel) id d-yerra ɣer teqbaylit, ɣef waya akatay-nneɣ ad tnebnu ɣef usugen yellan daxel n uḍris-agi. Uqbel ad nekcem deg yixef amenzu ,newwi-d awal ɣef tesnarayt, ɣef tarayin ,ɣef wayen akk icudden ɣer tezrawt-nneɣ, am temdirant ,ttawilat i nessexdem d wamek i nexter asentel-agi ,am waken i d-nebder iɛekkiren d iɛewiqqen i d-nemmuger deg leqdic-nneɣ. Ixef amezwaru, newwi-d awal ɣef tmeddurt n unaẓur Lunis Ayt Mengellet, anda id dnemmeslay ɣef temẓi-s ,d wamek i d-yekker ger twacult-is ,syin ɣur-s nekcem deg wawal ɣef leqraya-s d uxeddim-is .nehder-d daɣen ɣef tudert-is deg yidles d tsertit d wamek maṛṛa yebda d wamek yekcem deg yeḥricen-agi. Ixef wis sin newwi-d awal ɣef yisental d yiḥricen iɣef yecna neɣ iɣef yurra unaẓur Lunis Ayt Mengellet deg ubrid-is di tẓurri ama di tsertit, ama deg yidles ,ama di tmetti.rnu ɣer-s newwi-d awal ɣef uẓar n uḍris « A MMI »d wansa i t-id-yekkes d wanwa i t-yuran i tikkelt tamezwarut. Ixef wis kraḍ d taṣleḍt n uḍris « A MMI »nemmeslay-d ɣef yisental iɣef i d-yewwi awal unaẓur deg uḍris-is ,am wakken i d-nesken i d-nessebgen asugen yellan deg-s. Axeddim-agi yebna ɣef usegzi n usugen deg uḍris « A Mmi » ,d wazal yesɛa ,d anectagi ara aɣ-iɛawnen iwakken ad negzu ayen akken yefren d wayen ur d-yenni unaẓur s wudem usrid deg uḍris-is.