ANALYSE MORPHOSEMANTIQUE DU LEXIQUE DE LITTERATURE AMAZIGHE INTITULE : « LE PETIT DICTIONNAIRE DE LITTERATURE » (2012).
Loading...
Date
2015
Authors
Journal Title
Journal ISSN
Volume Title
Publisher
Université Mouloud Mammeri de Tizi-Ouzou
Abstract
Ilmend n ugerdas n master di tutlayt tamaziɣt, nefren asentel n tezrawt i ukatay n taggara i yellan deg tazzagt n tesnilest, nmal ɣer usegzawal ameẓyan n tsekla i d-yessufeɣ umaru ṢALḤI M.A deg useggas n 2012 di Tizi Wezzu; imi d asegzawal n tesniremt (amawal uzzig n tsekla), ur d-telli ara fell-as tezrawt s uqbel, am wakken i nebɣa ad t- nesleḍ si tama n tesnalɣa d tesnamka n wawalen id-yettunefken s daxel-is . Iwakken ad nesleḍ tayunin n umawal n tsekla i yellan deg usegzawal-agi; ad nẓer tasnalɣa, tasnamka akked yiberdan i yeḍfer umaru i usnulfu n wawalen i icudden akken ma llan ɣer yiwet n taɣult: taḍersit (transtextualité), yewwi-d lḥal ad nebḍu axeddim-nneɣ ɣef kraḍ n yiḥricen: Deg uḥric amenzu, nefka-d tibadutin d yisallen i yeɛnan asentel n tezrawt d wayen i icudden ɣer tesniremt. Nefka-d daɣen amyezwer n yisegzawalen uzzigen i yettwaxedmen s tutlayt tamaziɣt di tmurt n Lzzayer d tmurt n Lmeṛṛuk; kra ttubeggnen-d kra ulac fell-asen asbadu. Deg uḥric wis sin, deg-s snat n teslaḍ i umawal, tasleḍt tasnalɣit iwakken ad nẓer ilugan d wamek i yulɣen wawalen; nufa-d amur ameqqran deg-sen d ismawen isuddimen . Akken daɣen i llan yismawen uddisen.Tasleḍt tasnamkant, iwakken ad nẓer assaɣen di tesnamka n wawalen n umawal n tsekla d wid n umawal n tutlayt i nettmeslay. Imi amawal- agi d amawal uzzig i ssexdamen kan yiselmaden d yinelmaden, ur llin ara waṭas n wassaɣen gar wawalen-agi d wid n umawal n tutlayt. Deg uḥric wis kraḍ, di tesleḍt tumḍint nufa-d amur ameqqran n wawalen n umawal n tsekla i d-yefka umaru, d awalen imaynuten i ikecmen ɣer umawal n tsekla s usuddem neɣ s usuddes, awalen-agi ṭṭfen azal n 65,59% seg umawal s lekmal, 28,65% id-yettwaksen seg umawal n tmaziɣt tatrart, ma d tid id-yeqqimen 5,35% d iṛeṭṭalen ɣer tutlayt n taɛrabt d tefransist.
Di tesleḍt taɣarant, nufa-d deg usegzawal amaẓyan n tsekla agraw n wawalen i d-ibanen deg yimawalen-agi: Tamawalt n usegmi, Amawal n tesnilest akked umawal n tesnukyest. Tuɣalin i d-uɣalen wawalen-agi di yal yiwen seg wid id-nebder d ttbut ɣef tuɣalin n yimyura ɣer umawal n Mɛemri Amawal n tmaziɣt tatrart, i d-yefkan amur ameqqran n usnulfu deg umawal n tutlayt s tuɣalin ɣer yiẓuran i yellan di yal tameslayt d yisawalen ntutlayt, akked usuddem n yinumak n yiẓuran n wawalen skud yuzzel unamek di snat n tentaliyin neɣ ugar. Iwakken ad nessali ihi, tagrayt n wawal ad tt-id nefk am wakka: Yiwen ur yezmir ad yexdem kra di yal aḥric i yellan di ddemma n usnulfu, ma ur yezzi ara ɣer deffir-is ad iwali amek i zzwaren wid it-yezwaren ɣer truẓi n usalu, acku syen ara d- yawi tikta i yezzin i usentel it-yeɛnan.
Description
132p.:ill;30cm.(+cd)
Keywords
Citation
NEOLOGIE ET TERMINOLOGIE AMAZIGHE (LINGUISTIQUE)