La toponymie dans deux communes de Kabylie Boudjima-Larebaa nait Iraten

Loading...
Thumbnail Image

Date

2015

Journal Title

Journal ISSN

Volume Title

Publisher

Université Mouloud Mammeri de Tizi-Ouzou

Abstract

Iwakken tutlayt n tmaziɣt ad tesɛu azal-is di tmurt, ilaq ad yili leqdic fell-as d unadi deg yeḥricen yemxalafen ladɣa di tesmedga, acku tesɛa azal d ameqqran deg umezruy, d anecta i yeǧǧan Mulud At Mɛemmer deg useggas n 70 isḥaṛcen inelmaden-is iwakken yal yiwen deg-sen ad yaru ismawen n temnaḍin i deg zedɣen neɣ i deg d-kkren, maca ugar n yismawen-agi yella deg-sen lexṣaṣ imi ilaq ad yili unadi ɣef umawal nsen d uẓar-nsen ansi i d-kkan, d aya i aɣ-yeǧǧan ad d-negmer amud di temnaḍin : Bujima, Larbɛa nat yiraten. Deg ukatay-agi-nteɣ, nemeslay-d ɣef yismawen n yidgan (toponymie = tasmedga) di snat n tɣiwanin id nebder yakan. Di tezwert tamatut, newwi-d awal ɣef wayen ixedmen imusnawen deg wayen yeɛnan tasmegda di tmurt n tmazɣa ladɣa di tmurt n Lezzayer. Iwakken ad nexdem tazrawt n yismawen n yidgan nefka-d tmukrist ɣef leṣnaf n yismawen n snat n temnaḍin-agi, amek ulɣen d unamek n yal isem. Nefka-d kra n turdiwin d ufran n usentel d wamek neṣṣaweḍ ad d-negmer amud-agi nteɣ di temnadin-nni. Ar taggara, nejmeɛ-d azal n 235 yismawen ama d iḥerfiyen ama d uddisen. Deg wammud, nufa: 146 d iherfiyen, 89 d uddisen. Deg uḥric amezwaru, nga tasleḍt talɣawit i yismawen n yidgan, nesken-d taɣessa-nsen d wamek bnan: - Tewsit: sumata isem yesɛa snat n tewsatin, unti d umalay. - Amḍan: yesɛa sin n leṣnaf asuf d wesget. -Addad: ad naf deg-s addad ilelli d waddad amaruz. -Ismawen isuddisen -Ismawen isuddimen -Ismawen iṛeṭṭalen Ma deg yixef wis sin, nga tasledt tasnamkayt i yismawen n yidgan, ad nwali amek ulɣen s ubrid n unamek. Dagi, nga tafelwit, nbeggen-d anamek n yismawen d wansi ay dkkan. S unadi-agi-nnteɣ nessaram ahat llan yismawen imaynuten I d-nerna ɣer umawal n tutlayt n tmaziɣt d usmekti n wid yettwattun, imi tazrawt-agi d tin ara yernun ɣer tid yezwaren d tid i d-iteddun iwakken ad nesnerni di tezmart n tutlayt n tmaziɣt.

Description

99p.,cartes;30cm.(+cd)

Keywords

Citation

DIALECTOLOGIE AMAZIGHE