Difficultés de l’expression écrite en langue maternelle tamazight chez les apprenants des classes de la 4ème année moyenne
Loading...
Date
2016
Journal Title
Journal ISSN
Volume Title
Publisher
UNIVERSITE MOULOUD MAMMERI DE TIZI-OUZOU
Abstract
Tutlayt tamaziɣt d tutlayt tayemmat n ugdud amaziɣ, yes-s i d-yettbeggin umaziɣ
timagit-is. Tekcem ɣer uɣerbaz i tikkelt tamezwarut deg useggas n 1995. Tuɣal d taɣelnawt
deg tmurt n Lezzayer deg useggas n 2003, d tunṣibt seg 07 meɣres 2016.
Di taɣult tamsinent, aselmed d ulmad n tutlayin yettemgirid. Deg ulmad, inelmaden
ttmagaren-d uguren. Γef waya i yessefk ɣef uselmad ad iwelleh inelmaden-is s usexdem n
wallalen isegmisanen d tarrayin n uselmed iwatan.
Ulamma xas ɛeddan ugar n 20 n yiseggasen ɣef unekcum n tmaziɣt ɣer uɣerbaz,
inelmaden mazal-iten ur ssinen ara ad arun akken ilaq.
Seg unadi nteɣ nessaweḍ nessumer-d tifrat i wuguren ay d-ttmagaren yinelmaden deg
tira-nsen s tmaziɣt. Maca uqbel neɛreḍ ad nefk tiririt i tmukrist-nteɣ i tuttra-agi tagejdant :
« Ayɣer inelmaden n useggas wis ukkuẓ n uɣerbaz alemmas ttafen uguren deg urmud n ufares
s tira?
Uqbel ad nekcem deg umahil-nteɣ, nezzwer-d kra n turdiwin :
- Di tazwara ad d-nini ahat igulen-agi kkan-d seg lexsas n yiluɣma n ufares s tira,
- Tis snat, yezmer ahat seg useɣti i xeddmen yiselmaden neɣ yigrawen n yinelmaden i
d-yekka wugur agi,
- Akken yezmer daɣen ad yili wugur agi di tarrayin i sexdamen yiselmaden deg uselmed
n tutlayin yemxallafen, amedya n tenfaliyin timawiyin neɣ tid yettwajerrḍen akked
yirmad n tutlayt.
Tazrawt-nteɣ tebḍa ɣef kraḍ n yiḥricen, ha-ten-id :
I. Ixef amezwaru
Deg yixef-agi nefka-d kra n tbadutin yesɛan assaɣ d usentel, tibadutin n kra n
wawalen igejdanen, amedya : tasegmisent, asenfar, tira, assaɣ ger tira d tɣuri... Ad d-nefk
daɣen kra n yinadiyen yettwaxedmen uqbel ɣef usentel-nteɣ.
II. Ixef wis sin
Deg-s ad nawwi-d awal ɣef umezruy n tutlayt n tmaziɣt seg tallit n tegrawla deg
tmurt n Lezzayer armi d asmi tuɣal d tutlayt d taɣelnawt tunṣibt. Syin akin nebder-d kra n tarrayin n uselmed i yettusxedmen deg yiɣarbazen seg wasmi yebda uselmed n tutlayt n
tmazight almi d ass-agi.
III. Ixef wis krḍ
Ur nekcim ara deg tesleḍt almi d-nefka kra n tbadutin i yeqqnen ɣer urmud n tira
akken ad d-nbeggen amgirred yellan gar-asent. nesseḍfer-d i tbadutin-agi tasleḍt n yigulen,
ama d ayen yerzan talɣa, ama d ayen yerzan agbur, nessegza-ten-id akken daɣen d-nebder kra
n yimedyaten seg tenfalliyin i d-nejmaɛ seg yiɣerbazen.
Tabadut n usenfali s tira
Asenfali s tira d armud yezdin aselmed n tira s timad-is, yes-s i yessenfalay umdan
iḥulfan-is, asenfali-agi yezmer ad yili s ccna, s wunuɣ neɣ s wawalen. Yal asenfali yettawi
izen i win ara t-yeɣren neɣ win ara s-yeslen. Asenfali s tira yesɛa azal nezzah imi yettɛawan
bab-is akken ad yissin tira.
Tabadut n wagul deg usenfali s tira
Agul d lexṣaṣ deg wayen yerzan aḥric n tussna. Imi agul ibeddel unamek i as fkan zik
ɣef win i yekseb ɣer taggara-agi, yuɣal d allal i d-yessebganen i uselman uguren i d-ttemlilin
inelmaden. Tarrayt n usenfar tefka i unelmad tesriḥ akken ad yexdem ugulen, s yis-sen i
ilemmed. Ma di tarrayt tamensayt, ur ilaq ara ɣef unelmad ad yexdem ugulen, ad d-yer deg
ikayaden ayen yelmed si tmusniwin.
III.1 Anawen n yigulen
III.1.1 Igulen n talɣa
Talɣa tettili tṣeḥḥa mi ara iqader unelmad xersum setta-agi n yilugan: taferket ma
zeddiget neɣ ala, tira ma tettwafham, azwel, beṭṭu n weḍris d tiseddarin, ilem ger tseddarin,
asekkil ameqran, ilem uqbel beddu n tira, d usigez.
Mi nesleḍ isenfaliyen u d-nejmaɛ, nufa-d igemmuden mgaraden, yella win iqudren
ilugan-agi i d-nebder, yella win i ten izeglen. Aya yessebgen-aɣ-d belli inelmaden xuṣṣen
timusniwin yaɛnan talɣa n weḍris.
Description
129p.+(CD)
Keywords
Citation
Linguistique appliquée, enseignement et communication