Parcours militant d’un acteur politique pour la cause identitaire d’Arezki ABBOUTE : Acteur du Mouvement 1980.
Loading...
Date
2020
Authors
Journal Title
Journal ISSN
Volume Title
Publisher
UNIVERSITE MOULOUD MAMMERI TIZI-OUZOU
Abstract
Deg tezrawt-agi, nerra azal i Mass Arezqi ΣEBBUṬ, yiwen n umeɣnas i yennuɣen ɣef
teqbaylit d tmagit s umata. D udem amettan i yefkan tudert-is ɣef umennuɣ n tmentilt n tmagit
akked yizerfan n umdan. Ay-agi, deg usentel n tussna n tmetti d tussna n umdan.
Nebda amahil-nneɣ ɣef sdis n yiḥricen. Deg uḥric amenzu, nuwi-d awal ɣef wallalen i
nessemres akken ad nessiweḍ ad d-nheggi amahil-agi, nemmeslay-d amek alami i nefren
udem-agi d wuguren i d-nemmuger deg unadi-nneɣ.
Deg uḥric wis sin, nemmeslay-d ɣef tmeddurt n umeɣnas-agi. Arezqi ΣEBBUṬ, ilul
ass n 14 deg furar 1952, deg taddart n Ccerfa n Behlul, deg tɣiwant n Yiεeẓẓugen. Yeɣra deg
taddart-is syin iruḥ ɣer tesnawit n Σmiruc i d-yellan deg Tizi-Uzzu, dinna i d-yuwi akayadines
deg useggas 1972, syin yekcem ɣer tesdawit n Lezzayer, deg useggas amenzu deg
tesdawit, yeḍfer tujjya, ur ikemmel ara, syin yeḍfer turagt n tegnizit.
Deg uḥric wis kraḍ, nuwi-d awal ɣef umennuɣ-ines deg tesnawit akked tesdawit anda i
d-yemlal aṭas n yimeɣnasen, syin yunag ɣer Fransa anda yekcem deg yiwet n tuddsa tuffirt i
yekkaten ɣef tmagit d yizerfan n umdan ( FUAA), deg useggas 1977.
Deg uḥric wis ukkuẓ, nuwi-d awal ɣef umennuɣ-ines deg tefsut n Yimaziɣen, deg
useggas 1980, anda i d-llant tmesbaniyin ɣef uneḥbus n usarag n Dda Lmulud At Mεemmer,
deg tesdawit n Tizi-Uzzu, s ɣur adabu azzayri. Nuwi-d awal daɣen ɣef wasmi i yettwaḥbes,
ass n 29 deg meɣres 1980, syin iεedda deg ccreε sdat n unezzarfu, deg Blida, syin uwin-t ɣer
usekraf n Bufarik anda i d-yesεedda uguren d imeqqranen deg uskraf-agi. Deg wass n 26 deg
yulyu 1980, serḥen-as-id deg lḥebs d yimeddukkal-is. Syin akkin, yella-d usarag amenzu, deg
Yiεekkuren, deg ɣuct 1980, anda i yella deg ugraw n tutlayt d yidles.
Deg uḥric wis semmus, nemmeslay-d ɣef umennuɣ-ines mbeεd 1980, yella deg tlalit n
tiddukkla n warraw n yimeɣrasen, deg useggas 1984. Deg useggas n 1985, yettwaḥbes i
tikkelt tis snat mbeεd mi yella deffir n tlalit n tsaɣent tamezwarut n yizerfan n umdan, deg
tmurt n Lezzayer, syin uwin-t ɣer usekraf n Tazzult-Lambez anda i as-ḥekmen 3 n yiseggasen.
Ass n 27 deg yebrir 1987, serḥen-as-id netta d yimeddukal-is.
Arezki ABBOUTE, yella akked yimennuɣen i yerzan ɣer yidles, yeḥder i tikli
tameqqrant n 25 deg yennayer 1990, deg Lezzayer tamanaɣt, yella daɣen deg uneḥbus ɣef
leqraya deg useggas 1994-1995.
Deg uḥric aneggaru, nemmeslay-d ɣef tikta n Urezqi ΣEBBUṬ ama deg umennuɣ ɣef
tmaziɣt d usnerni-ines akked uṣenṣeb n tutlayt n tmaziɣt deg uɣerbaz akked umesaly-ines ɣef
yikabaren n tsertit.
Akka ihi, i d-nura ɣef tudert d tigawin n Urezqi ΣEBBUṬ i d-yettaken azal i wakken
ad negzu amdan-a. Ayen i d-nemmeslay akk ɣef tudert-is d tigawin-ines, d iferdisen s wacu i nessuli amahil-nneɣ. Ihi, ayen yexdem akk urgaz-agi, yeǧǧa-t ad d-yefrir deg tmetti. Arezqi
ΣEBBUṬ, d yiwen u umdan ara yeqqimen deg umezruy, am netta am wid yettnaɣen ɣef tlelli d
tmagit, deg umaḍal.
Description
30cm.; 109p.; ill. en coul.+cd
Keywords
Citation
Anthropologie du patrimoine et de la culture amazighe