LES INDICES LINGUISTIQUES DU TEXTE ARGUMENTATIF EN LANGUE AMAZIGHE

Abstract

Tutlayt n tmaziɣt, am tutlayin-nniḍen ,teḥwaǧ allalen, d tarrayin iwakken win ara tyaɣren, ad t-yefhem akken iwata. Ger wallalen-agi ad d-nafn iḍrisen.Iḍreisen-agi sɛan azal d ameqran di tmetti-nneɣ, ladɣa deg uḥric n leqraya. Iwakken ad nesseqdec tutlayt n tmaziɣt, ilaq fell-aɣ, ad nzer amgired yellan ger tewsatin n tmaziɣt; daɣen ad nissin iferdisen n tesnalsit n yal tawsit. Ihi deg tezrawt-agi-nteɣ newwi-d awal ɣef ɣef yiwet n tewsit ger tewsatin n yiḍrisen; tawsit-a, d aḍris imesfukel. Deg uxeddim-agi-nteɣ, neɛreḍ ad d-nekkes isefranen s way-s yebna wuḍris imesfukel, ilmed n waya nebḍa-t ɣef sin n yiḥricen. Deg uḥric amenzu newwi-d awal ɣef tenfaliyin tigejdanin i d nemger di teɣbula yemgaraden ara nesseqdec di tesleḍt. Deg uḥric wis sin newwi-id awal gef isefranen yerzan aḍris imesfukel: -Imataren udmawanen: deg ammud-nteɣ n yiḍrisen imsfukelen, nekkes-d imataren udmawanen yettwasemrasen. -Talɣiwin n umyag: D tasleḍt n talɣiwin tumyigin yettsumersen deg wammud-nteɣ. -Isuraz : D tasleḍt n yimassaɣen i yellan deg wammud-nteɣ. Nexdem daɣen agzul i yiferdisen n tesnalsit wid yellan deg wammud-nnteɣ, d wid id yettuɣalen s waṭas. Di taggara; iswi n uxuddim-agi-nteɣ d asefruri n yisefranen yettwasmarsen deg uḍris imsfukel, ama d ayen yerzan imqimen udmawanen, ama d ayen yerzan talɣiwin n umyag, d wuriwin-nsen, d yimassaɣen.